Aldaǵy 3 jylda baspana baǵasy aıtarlyqtaı qymbattaıdy - maman

ASTANA. KAZINFORM – Aldaǵy 3 jylda elimizde jyljymaıtyn múlik baǵasy birshama qymbattaıdy. Mundaı pikirdi Qazaqstan rıeltorlary birlesken qaýymdastyǵy prezıdentiniń keńesshisi Nına Lýkıanenko aıtty.

Onyń atap ótýinshe, qazirgi ýaqytta baspana naryǵynda ósim de, quldyraý da baıqalmaıdy. 

«2024 jyldyń qańtarynda jasalǵan mámile sany 37 713 bolsa, ótken jyldyń jeltoqsanynda 37 818 bolǵan edi. ıAǵnı, ósim de, quldyraý da baıqalyp otyrǵan joq. Jalpy, jyl ishindegi baǵa qorytyndysy mynadaı: jańadan salynǵan baspana quny 2,9 paıyzǵa qymbattap, qaıtalama naryqtaǵy baǵa 4,4 paıyzǵa tómendedi», - dedi ol QazAqparat tilshisine bergen suhbatynda. 

Osy oraıda sarapshy qańtardaǵy ınflıatsııanyń resmı deńgeıi 0,8 paıyzdy qurasa, aqshanyń jyldyq mánde qunsyzdanýy 9,5 paıyzǵa jetkenin aıtady. 

«Osydan-aq sharshy metr baǵasynyń tómendeý trendi jalǵasyp jatqany jaıly qorytyndy shyǵarýǵa bolady. Munyń ústine aktıvterdi ártaraptandyrý jáne ınvestıtsııalaý maqsatynda jyljymaıtyn múlik satyp alý úshin qazirgi sát óte qolaıly. Jaǵdaıǵa qatysty óz kózqarasymdy bildirsem, aldaǵy 3 jylda jyljymaıtyn múlik baǵasynyń aıtarlyqtaı óskenin kóremiz», - dedi Nına Lýkıanenko.