Aldaǵy 3 jylda 3,6 mln-nan astam «aqyldy» sý esepteý qurylǵylary ornatylady
ASTANA. KAZINFORM — Aldaǵy 3 jylda 3,6 mln-nan astam «aqyldy» sý esepteý qurylǵylary ornatylady. Bul týraly búgin Úkimet otyrysynda Ónerkásip jáne qurylys vıtse-mınıstri Qýandyq Qajkenov aıtty.
— Tsıfrlandyrý sýmen jabdyqtaý jáne sý burý júıelerin jańǵyrtýdyń ajyramas bóligi ári kommýnaldyq ınfraqurylymnyń turaqty paıdalanýyn qamtamasyz etýdiń, júıeli basqarýdyń, baqylaýdyń jáne shyǵyndardy azaıtýdyń qajetti sharty sanalady. Osyǵan oraı baılanys arnalary arqyly kórsetkishterdi avtomatty túrde jınaýǵa arnalǵan telemetrııa tehnologııasy bar avtomattandyrý júıelerine jáne esepke alý aspaptaryna qoıylatyn talaptardy standarttaý boıynsha jumystar júrgizilýde, — dedi vıtse-mınıstr.
Onyń aıtýynsha, Energetıka men kommýnaldyq sektordy jańǵyrtýǵa arnalǵan Ulttyq joba joba aıasynda sý arnalary kásiporyndarynyń protsesterin kezeń-kezeńimen avtomattandyrý kózdelgen. Bul shyǵyndardy, apattylyqty jáne elektr energııasyna jumsalatyn shyǵyndardy azaıtýǵa, sondaı-aq jabdyqtardyń qyzmet etý merzimin uzartýǵa baǵyttalǵan. Іs-sharalardy júzege asyrýǵa Dúnıejúzilik bank qarjylandyrýyn tartý josparlanyp otyr.
— Otandyq jáne halyqaralyq sarapshylarmen birge 5 qaladaǵy — Astana, Shymkent, Oral, Ekibastuz jáne Shahtınsktegi sý arnalary qyzmetiniń baǵalanýy júrgizildi. Nátıjesinde protsesterdi ońtaılandyrý boıynsha usynystar daıyndaldy jáne birtutas tsıfrlyq sheshimderdi jáne kezeń-kezeńimen engizýdi qarastyratyn tehnıkalyq-ekonomıkalyq negizdemeni daıyndaý úshin tehnıkalyq tapsyrma ázirlendi. Sýmen jabdyqtaý aspaptaryn ornatý boıynsha ótinimderdi qalyptastyrý maqsatynda ákimdikter men tabıǵı monopolııa sýbektilerimen jumys júrgizilýde. 2026–2028 jyldary 3,6 mln-nan astam «aqyldy» sý esepteý qurylǵylaryn ornatý josparlanýda, — dedi Qýandyq Qajkenov.
Aıta keteıik, Úkimet otyrysynda sýmen jabdyqtaý jáne sý burý júıelerin damytý, tsıfrlandyrý men sý únemdeý tehnologııalaryn engizý sharalaryn talqyǵa salynyp jatyr.