Aldaǵy 10 jylda ekonomıkanyń ortasha ósimi 4,5 paıyz bolady – Ulttyq ekonomıka mınıstrligi

ASTANA. KAZINFORM – Ulttyq ekonomıka mınıstrligi aldaǵy jyldaǵy eldiń damý boljamyn jarııalady. 

— 2026–2035 jyldarǵa arnalǵan uzaq merzimdi damý boljamy jańa Bıýdjet kodeksin iske asyrý úshin ázirlendi. Ol Memlekettik josparlaý júıesi qujattarynyń qarjylyq qamtamasyz etilý kólemin aıqyndaıdy, — dep jazylǵan qujatta.

Boljamnyń jarııalanǵan nusqasynda bazalyq stsenarıı málimetteri ǵana keltirilgen.

— 10 jyl ishinde jalpy ishki ónimniń ortasha jyldyq ósýi 4,5% bolady. Nomınaldy JІÓ 2035 jyly 473,2 trln teńgege deıin ulǵaıady. Memlekettik bıýdjettiń kiristeri 2035 jylǵa 66,8 trln tenge deıin ósedi, — dep jazylǵan boljamnyń bazalyq nusqasynda.

Al Ulttyq qordan alynatyn transfert 2029 jyldan bastap qana 2 trln teńgeden tómendeıtini aıtylǵan.

— Bıýdjet tapshylyǵy JІÓ-ge qatysy 2029 jyly 0,4%-ǵa deıin birtindep tómendep, 2030 jyldan bastap nóldik deńgeıge jetedi. Ulttyq qordyń taza valıýtalyq aktıvteri boljam boıynsha 2026 jylǵa 109,9 mlrd dollarǵa deıin ósedi, — dep jazady UEM sarapshylary.

Ulttyq statıstıka bıýrosynyń jedel derekteri boıynsha, 2025 jyldyń segiz aıynda Qazaqstannyń JІÓ ósimi 6,5%-ǵa jetken.