Álibek Nurtaev Ózbekáli Jánibekov atyndaǵy OQPÝ rektory mindetin atqarýshy boldy

ShYMKENT. KAZINFORM – Ózbekáli Jánibekov atyndaǵy Ońtústik Qazaqstan pedagogıkalyq ýnıversıtetine jańa basshy taǵaıyndaldy. Basqarma tóraǵasy – rektordyń mindetin atqarýshy qyzmetine Álibek Nurtaev bekitildi, dep habarlaıdy oqý ornynyń baspasóz qyzmeti.

Álibekti ujymǵa QR Ǵylym jáne joǵary bilim mınıstrligi apparatynyń basshysy Madııar Qojahmet tanystyrdy.

Álibek Nurtaev 1982 jyly Túrkistan oblysynyń Shardara aýdanynda dúnıege kelgen.

2006 jyly M.Áýezov atyndaǵy Ońtústik Qazaqstan memlekettik ýnıversıtetin, 2021 jyly Shymkent ýnıversıtetin támamdaǵan. Mamandyǵy – dene shynyqtyrý pániniń oqytýshysy jáne sport túrleri boıynsha jattyqtyrýshy, memlekettik basqarý bakalavry, pedagogıka ǵylymdarynyń magıstri.

QR sport sheberi, sondaı-aq jaýyngerlik sambodan Qazaqstannyń eńbek sińirgen jattyqtyrýshysy ataǵyna ıe.

Eńbek jolyn Ońtústik Qazaqstan oblysynyń týrızm jáne sport basqarmasynda bas maman bolyp bastaǵan.

Ońtústik Qazaqstan oblysy, Túrkistan oblysy jáne Shymkent qalasynyń dene shynyqtyrý jáne sport basqarmalaryn basqarǵan.

QR Mádenıet jáne sport mınıstrligine qarasty sharýashylyq júrgizý quqyǵyndaǵy respýblıkalyq memlekettik kásiporyn dırektory, Shymkent qalasyndaǵy Olımpıadalyq rezervti daıarlaý ortalyǵynyń basshysy, sondaı-aq Túrkistan oblysynyń «Turan» fýtbol klýbynyń bas dırektory qyzmetterin atqarǵan.

Aıta keteıik, Jasyn Birkenov Prezıdent baspasóz hatshysynyń orynbasary bolyp taǵaıyndaldy.