Álibek Qýantyrov Ekologııa jáne tabıǵı resýrstar mınıstri bolyp taǵaıyndaldy
ASTANA. KAZINFORM — Álibek Sakenuly Qýantyrov Qazaqstan Respýblıkasynyń Ekologııa jáne tabıǵı resýrstar mınıstri bolyp taǵaıyndaldy. Bul týraly Aqordanyń baspasóz qyzmeti málim etti.
— Memleket basshysynyń Jarlyǵymen Álibek Sakenuly Qýantyrov Qazaqstan Respýblıkasynyń Ekologııa jáne tabıǵı resýrstar mınıstri bolyp taǵaıyndaldy, ol burynǵy atqarǵan laýazymynan bosatyldy, — delingen habarlamada.
Eske sala keteıik, Erjan Sádenov Іshki ister mınıstri laýazymyna qaıta taǵaıyndaldy.
Búgin sondaı-aq Dáýren Qosanov Qorǵanys mınıstri laýazymyna taǵaıyndaldy.
Al Ǵalymjan Qoıshybaev Premer-mınıstrdiń orynbasary — Úkimet Apparatynyń basshysy laýazymyna taǵaıyndaldy.
Artynsha Nurlybek Nálibaev Premer-mınıstrdiń birinshi orynbasary bolatyny belgili boldy.
Mádı Takıev Qarjy mınıstrligin basqara beredi.
Nurlan Saýranbaev Kólik mınıstri, Erlan Sársembaev Ádilet mınıstri bolyp qaıta taǵaıyndaldy.
Al Tótenshe jaǵdaılar mınıstri laýazymyna Murat Muhanov keldi.
Toqaev Súleımenovany Oqý-aǵartý mınıstrligi qyzmetinde qaldyrdy.
