Albanııadaǵy polıtsııa men sherýshiler arasyndaǵys qaqtyǵysta 60-qa tarta adam zardap shekti, qurban bolǵandar bar
ASTANA. 22 qańtar. QazAqparat - Albanııada polıtsııa men sherýshilerdiń arasynda bolǵan qaqtyǵystardyń saldarynan, eń az degende, 3 adam qaza bolǵan. Tártip saqshylarynyń aqparaty boıynsha taǵy 55 adam zardap shegip otyr, dep habarlady RBK agenttigi.
Polıtseıler, sherýshiler Tıranadaǵy úkimet úıine basyp kirmek bolǵan soń, olarǵa qarsy oq atýǵa májbúr bolǵandaryn aıtyp otyr. Qazir Tıranada qaqtyǵystar jalǵasýda.
Esterińizge sala keteıik, Albanııa elordasyndaǵy buqaralyq sherýdi oppozıtsııalyq Sotsıalıstik partııa uıymdastyryp otyr. Demonstranttar 2009 jylǵy 28 maýsymda bolǵan saılaýdyń qorytyndysyn qoldan jasaý faktileri boıynsha tekserý júrgizýdi talap etýde. Sol saılaýda eldiń qazirgi premeri Salı Berıshe jetekshilik etetin Albanııanyń Demokratııalyq partııasy jeńiske jetken bolatyn.
