Albanııada polıtsııa bólimshesine shabýyl jasalyp, 10 adam jaraqat aldy
ASTANA. KAZINFORM — Albanııa astanasy Tıranada narazylyq bildirýshilerdiń polıtsııa bólimshesine shabýyly saldarynan 10 polıtseı jaraqat aldy. Bul týraly jergilikti ATA aqparat agenttigi habarlady.
Albanııa ulttyq polıtsııasynyń basshysy Skender Hıta shabýyl jasaǵandardyń betperde kıgenin aıtty.
— Olar polıtsııa ǵımaraty men qyzmetkerlerge molotov kokteılderin, pırotehnıkalyq zattar men tas jáne basqa da aýyr zattardy laqtyrdy, — dedi ol.
Albanııa astanasynda tártipsizdikter 13 qazannan beri jalǵasyp keledi. Bilim alý qunynyń qymbattyǵyna jáne oqý jaǵdaıynyń nasharlyǵyna qarsy shyqqan stýdentterdiń narazylyǵy quqyq qorǵaý organdarymen qaqtyǵysqa ulasqan.
Quqyq qorǵaý kúshteri narazylyq bildirýshilerdi taratý úshin sý atqysh mashınalardy, kózden jas aǵyzatyn gaz ben rezeńke oqtardy qoldanǵan.
Ereýil bastalǵaly beri elde 200-den astam adam jaraqat alǵan. Olardyń 130-dan astamy polıtsııa qyzmetkerleri.
Aıta keteıik, Belgııada jastar men polıtsııa arasynda qaqtyǵys boldy.
