Albanııada ejelgi fermer mádenıeti tabyldy
ASTANA. 18 sáýir. QazAqparat - Tsıntsınnatı ýnıversıtetiniń arheologtary Albanııanyń ońtústik-shyǵysyndaǵy Korcha aýdanynda Vashtemı eldi mekeniniń mańynan ejelgi fermerlik mádenıeti jádigerlikterin tapty, dep habarlaıdy Lenta.rý.
Bul olja týraly baıandama Amerıkandyq arheologııa qoǵamynyń 2012 jylǵy 20 sáýirde ótetin jyl saıynǵy konferentsııasynda usynylmaq.
Bul mádenıet bizdiń jyl sanaýymyzǵa deıingi 6500 jyl shamasynda paıda bolǵan. Qazba ornynan arheologtar arpanyń, emmerdiń (mezolıt jáne neolıt dáýirlerinde paıdalanylǵan jabaıy bıdaı) jáne aınkornnyń (bul da jabaıy bıdaıdyń túri) tuqymdary tabylǵan.
Sondaı-aq ejelgi sharýalardyń shoshqa, iriqara, qoı nemese eshki ósirgeni týraly aıǵaqtar tabyldy. Arheologtar buǵynyń, jabaıy qabannyń, úı qoıandarynyń, tasbaqanyń jáne balyqtyń birneshe túrleriniń jáne jylanbalyqtardyń qaldyqtaryna kez boldy. Ǵalymdardyń aıtýynsha, ejelgi fermerler mádenı ósimdikterdi jáne qolǵa úıretilgen janýarlardy ósirýmen shektelip qalmaı, azyq-túliktiń basqa da kóptegen túrlerin paıdalanýǵa tyrysqan.
Jumys avtorlary bul zertteý Albanııada alǵashqy ret zamanaýı deńgeıde radıoızotoptyq anyqtaý ádisterin qoldaný arqyly júrgizilgenin atap kórsetedi.
