Albanııada eki qyzdyń qurmetine meshit ashyldy
ASTANA. QazAqparat - Albanııa memleketiniń soltústik-batysynda ornalasqan Shkoder qalasynda meshit ashyldy, dep habarlady www.muslim.kz.
Jańa qulshylyq ordasynyń ataýy da aıryqsha: «Eki qyzdyń meshiti: Sary jáne Shehd»
Meshttiń saltanatty ashylý sharasy Shkoder múftı Mýhammed Sıtarı, Din isteri komıtetiniń tóraǵasy Ilır Hoholı, Qalalyq keńes tóraǵasy Mahıd Kangý jáne Alban Islam ınstıtýtynyń prezıdenti Ramız Zekaı qatysyp, tilekterin bildirdi. Saltanatty sharadan soń jınalǵandar meshit ishine kirip, jamaǵatpen birge namaz oqyldy.
Jańa qulshylyq ordasyna osydan eki jyl buryn jol apatynan qaıtys bolǵan eki qyzdyń esimi berilgen. Olardyń ákesi Ahmed ál-Sheı meshitti qaıyrymdylyq sharasy retinde turǵyzǵan kórinedi.
