Albanııada avtobýs quzǵa qulap ketti: 8 adam qaza taýyp, 40-tan astamy jaralandy
ASTANA. 9 qarasha. QazAqparat - Albanııada asa iri jol-kólik apaty oryn aldy. Jolaýshylar avtobýsy 90 metrlik quzdan qulap ketti. Oqıǵa saldarynan 8 adam qaza taýyp, 41 jolaýshy jaraqat aldy. Bes adam asa aýyr halde jatyr,
dep habarlaıdy RBK.
Tırana - Afıny baǵyty boıynsha bara jatqan grek kólik kompanııasynyń avtobýsymen qaıǵyly jaǵdaı eldiń ońtústigindegi Tepelen qalasynan birneshe shaqyrym jerde oryn aldy.
Albandyq polıtsııanyń aıtýynsha, sebelep jaýǵan jańbyr kezinde júrgizýshi kólik róline ıe bola almaı, avtobýs 90 metrlik quzdan qulap ketken. Sonymen qatar, avtobýs jolaýshylarynyń aıtýynsha, qolaısyz aýa raıyna qaramastan, júrgizýshi úzdiksiz uıaly telefonmen sóılesip, avtobýsty senimsiz júrgizip kele jatqan.
Kólik apaty oryn alǵan jerge zardap shekkenderge kómektesý jáne qaza bolǵandardy kólik ishinen alyp shyǵý úshin júzden astam polıtsııa qyzmetkeri keldi.
