Albanııa tájirıbesi: Qazaqstan jasandy ıntellektige mınıstrdiń qyzmetin senip tapsyra ala ma

ASTANA. KAZINFORM — Jasandy ıntellekt jáne tsıfrlyq damý vıtse-mınıstri Dosjan Musalıev Qazaqstan jasandy ıntellektige mınıstr qyzmetin nege senip tapsyra almaıtynyn túsindirdi. 

— Úkimetine jasandy ıntellektini belsendi kiriktirip jatqan Albanııanyń tájirıbesin zertteısizder me? Mysaly, olarda alǵashqy vırtýaldy mınıstr bar. Qazaqstanda ondaı jospar barma, — dep surady jýrnalıst Úkimet otyrysynan keıin ótip jatqan baspasóz máslıhatynda.

Vıtse-mınıstr ol úshin zańnamany retteý kerek ekenin aıtty.

— Biz mınıstrli tarapynan siz ataǵan eldiń ǵana emes, basqa elderdiń tájirıbesin de zertteımiz. Jalpy Jasandy ıntellekt mınıstrligi álemde eń alǵashqylardyń biri bolyp bizdiń elde quryldy. Al jasandy ıntellektini mınıstr nemese vıtse-mınıstr etý máselesine kelsek, bizdiń zańnama ázirge ondaıǵa ruqsat bermeıdi. Óıtkeni zań boıynsha bizde memlekettik qyzmetshi jeke tulǵa bolýy kerek. Sondyqtan siz suraǵandaı josparymyz joq, — dedi vıtse-mınıstr.

Aıta ketý kerek, Úkimettiń búgingi otyrysynda jylytý maýsymyndaǵy órt qaýipsizdigi sharalary pysyqtalyp jatyr.