Albanııa parlamenti Edı Ramany tórtinshi merzimge premer-mınıstr etip bekitti

ASTANA. KAZINFORM — Edı Rama Albanııa premer-mınıstri qyzmetine qatarynan tórtinshi ret taǵaıyndaldy

Albanııa parlamenti beısenbi kúni Edı Ramany qatarynan tórtinshi merzimge premer-mınıstr qyzmetine bekitti. Ol eldiń 2030 jylǵa deıin Eýropalyq Odaqqa kirý protsesin jedeldetýge ýáde berdi.

Edı Rama — bul qyzmetke jalǵyz kandıdat boldy jáne 140 oryndyq parlamentte 82 daýys jınady. Onyń Sotsıalıstik partııasy bıyl mamyrda ótken parlament saılaýynda kópshilik orynǵa ıe bolǵan.

— Albanııanyń 2030 jylǵa deıin EO-ǵa kirýi — osy mandattyń basty maqsaty, — dedi E. Rama zań shyǵarýshylar aldynda sóılegen sózinde.

Ol eldiń eýroıntegratsııa baǵyty aldaǵy jyldary úkimet reformalarynyń negizgi baǵytyna aınalatynyn atap ótti.

Memlekettik satyp alýlardyń ashyqtyǵyn arttyrýǵa baǵyttalǵan qadam retinde, premer-mınıstr ótken aptada memlekettik tenderlerdi basqarý jáne taǵaıyndaý úshin jasandy ıntellekt (JI) negizindegi Diella quralyn paıdalanýdy usyndy. Beıneúndeý barysynda bul JI júıesi memlekettik qyzmetkerlerdi almastyrmaıtynyn, kerisinshe olarǵa kómek kórsetetinin aıtty.

Osydan buryn álemde tuńǵysh jasandy ıntellekt-mınıstr Albanııada taǵaıyndalǵanyn jazǵanbyz.