Albanııa oppozıtsııasy narazylyq sherýlerin ótkizdi
ASTANA. 6 aqpan. QazAqparat - Sotsıalıstik partııa bastaǵan Albanııa oppozıtsııasy el astanasy Tırana jáne Korche, Leje men Vallone qalalarynda narazylyq sherýlerin ótkizdi. Ereýilshiler úkimet pen parlamentty taratyp, elde saılaý ótkizýdi talap etken, dep habarlady ITAR-TASS.
Albanııanyń quqyq qorǵaý oryndarynyń málimdeýinshe, 9 myńnan asa adam qatysqan sherý beıbit túrde ótti. Albanııa sotsıalıstik partııasynyń jetekshisi Eddı Ramanyń aıtýynsha, oppozıtsııanyń boıkóterýi premer-mınıstr Salı Berıshe qyzmetin bosatpaıynsha, jalǵasady. Eske sala ketsek, 21 qańtarda Tıranada bolǵan narazylyq sharasy adam ólimine ákelgen edi. Sol kezde halyq úkimet úıine basa kóktep kirmek bolǵan kezde, olarǵa oq atylyp, úsh adam qaza tapty. Munyń aldynda quqyq qorǵaý organdary kózden jas shyǵaratyn gaz ben sý atqyshtardy qoldanǵan.
