Alayaq.net: ınternettegi alaıaqtyq týraly habarlaýǵa bolady

ASTANA. QazAqparat - Azamattar «Alayaq.net» portaly aqyly ınternettegi alaıaqtyq jaǵdaılary týraly habarlap qana qoımaı, óziniń qarjylyq saýattylyǵyn arttyra alady, sondaı-aq ınternettegi alaıaqtyqqa qarsy respýblıkalyq jastar qozǵalysyna qosyla alady dep, habarlaıdy QazAqparat Azamattyq bastamalardy qoldaý ortalyǵynyń baspasóz qyzmetine silteme jasap.

Aqparat jáne qoǵamdyq damý mınıstrliginiń qoldaýymen respýblıkalyq «Alayaq.net» jastar qozǵalysy qarqyn alyp keledi. Ol jastardyń qarjylyq saýattylyǵyn arttyrýǵa, ınternettegi alaıaqtyq jaǵdaılarynyń aldyn alýǵa, ınternettegi alaıaqtyqqa qarsy kúreste jastar men memlekettik organdardy, bank sektoryn jumyldyrýǵa baǵyttalǵan.

«Internet portalǵa kirýshilerdiń nazaryna biz alaıaqtardan qorǵanýdyń joldary týraly paıdaly aqparatty, túrli alaıaqtyq shemalardy áshkereleıtin beınerolıkterdi usyndyq. Munda adal blogerlerdiń tizimderimen tanysýǵa da bolady. Sondaı-aq, belgili bir ınflıýenserdiń qara tizimde bar-joǵyn tekserý múmkindigi de qarastyrylǵan.Eń bastysy, bizdiń portaldyń kómegimen azamattar ınternettegi alaıaqtyq faktileri týraly habarlaı alady, «Alayaq.net» respýblıkalyq jastar qozǵalysynyń múshesi atanyp, alaıaqtyqpen kúreske óz úlesin qosa alady», - deıdi joba jetekshisi Abylaıhan Ábdirash.Onyń aıtýynsha, joba uıymdastyrýshylary barlyq ótinimder boıynsha tegin konsýltatsııalyq kómek kórsetedi. Alaıaqtyq jaǵdaılary týraly aqparat áleýmettik jelilerdegi Alayaq.net paraqshalary arqyly da qabyldanady. Búgingi tańda jobany uıymdastyrýshylar myńnan astam ótinimdi qabyldap, óńdegen. Joba týraly tolyq aqparatty «Alayaq.net» saıtynan bilýge bolady.