Alaıaqtyqpen banktiń 31 mln. dollardan astam qarjysyn ıemdenip ketken
ASTANA. 19 qańtar. QazAqparat - Brazılııa polıtsııasy lotereıamen $31 mln. astam somaǵa alaıaqtyq jasaǵan qylmyskerlerdi tutqyndady.
Bank qyzmetkeriniń kómegimen qaskúnemder bankte basqa adamnyń atyna lotereıa oıyndarymen baılanysty esepshot ashqan. Budan soń olar qoldan jasalǵan lotereıa bıletin kórsetip, óz esepshottaryna aqsha aýdartyp otyrǵan, bul qarajat keıinnen basqa esepshottarǵa aýdarylǵan, dep habarlaıdy «Gazeta.Ru».
Quqyq qorǵaý organdary urlanǵan qarajattyń 70 paıyzynyń esepshottan alynýyna tosqaýyl qoıdy.
Qylmyskerlermen sybaılas bolǵan bank qyzmetkeri de tutqyndaldy. Polıtsııa qylmystyq iske Maranıan shtaty depýtattarynyń biriniń kómekshisiniń qatysy bar dep kúmándanady. Alaıaqtardyń 29 jylǵa deıin bas bostandyqtarynan aıyrylýlary múmkin.
