Alaıaqtyq jolmen sýbsıdııa alǵan «kásipker» 5 jylǵa sottaldy
KÓKShETAÝ. QazAqparat - Alaıaqtyq jolmen memleketten sýbsıdııa alý mehanızmin jasaǵan «kəsipker» shartty túrde 5 jylǵa bas bostandyǵynan aıyryldy, dep habarlaıdy QazAqparat tilshisi Aqmola oblysynyń memlekettik kirister departamentine silteme jasap.
Otandyq aýyl sharýashylyǵy taýarlaryn óndirýshilerdi qoldaý maqsatynda memleket tarapynan asyl tuqymdy mal sharýashylyǵyn damytý, onyń ishinde asyl tuqymdy sıyrlardy, buqalardy satyp alýda qunyn arzandatý boıynsha sharalar júzege asyrylýda. Alaıda, keıbir pysyqtar memlekettiń qoldaýyn tek jeke basynyń qamy úshin paıdalanǵysy keledi.
Vedomstvonyń deregi boıynsha Aqmola oblysy Memlekettik kirister departamentiniń ekonomıkalyq tergeýler qyzmetinde osyndaı «kásipkerge» qatysty qylmystyq is qozǵalǵan.
«Onda kórsetilgendeı, alaıaq «kásipker» JShS-men quny 13,6 mıllıon teńgege 40 bas «aberdın angýs» asyl tuqymdy iri qara satyp alý týraly aldyn ala kelisimshart jasasyp, artynsha bul aqshanyń 7,4 mıllıon teńgesin ǵana ótegen. Satýshyǵa qalǵan aqshasyn kelesi aıdyń ishinde tolyq óteıtinin aıtyp sendirgen. Buǵan qosa, sýbsıdııa alý úshin JShS-dan 40 bas iri qara tolyq satyp alyndy degen anyqtama alǵan. Sondaı-aq, túbirtekke satyp alynǵan iri qaranyń aqysy - 13,6 mıllıon teńgeniń tolyq ótelgenin de kórsetken. Budan keıin aqshanyń joqtyǵyn alǵa tartyp, satyp alǵan iri qaralardyń birazyn qaıtaryp bergen, al, qalǵanyna tehnıka jetkizip berý boıynsha kelisimshart jasasqan», - dep túsindirdi vedomstvodaǵylar.
Munymen toqtamaı «kásipker» kelesi JShS-men bul joly 19 mıllıon teńgege 50 bas «qazaqtyń aqbas» sıyrlary jáne 38 mıllıon teńgege 100 bas «aberdın angýs» qasharlaryn satyp alý týraly kelisimsharttar jasaıdy. Munda da satyp alynǵan maldyń jartysynyń aqshasyn tólep, sýbsıdııa alýǵa ótinish beredi.
«Osylaısha, alaıaq «kásipker» oblystyq bıýdjet esebinen sýbsıdııa retinde 20 mıllıon 498 myń teńge aqsha alǵan», dep túsindirdi vedomstvodan.
Bıýdjetten jymqyrǵan aqshaǵa er adam traktor satyp alǵan. Ol osylaısha zańsyz alǵan múlkin zańdy aınalymǵa jibergen.
Sotta alaıaq «kásipker» óziniń kinásin tolyqtaı moıyndaıtyndyǵy týraly protsessýaldyq kelisimge keletindigi jóninde ótinish berdi. Sot memleketke keltirilgen 20 mıllıon 498 myń teńge aqshanyń tolyq ótelgenin eskere kele, ony QR QK 190 babynyń 4 bóligi 2 bólimshesi boıynsha (alaıaqtyq) jáne 218 babynyń 1 bóligi boıynsha (qylmystyq jolmen alynǵan aqshany jáne múlikti zańdastyrý) kináli dep tanyp, 5 jylǵa shartty túrde sottady. Oǵan qosa, er adam 5 jylǵa asyl tuqymdy mal sharýashylyǵyn damytý úshin sýbsıdııa alý baǵytynda qyzmetpen aınalysýǵa quqynan aıyryldy jáne májbúrli túrde 100 saǵattyq eńbekke taryldy.
