Alaıaqtyq jolmen mashına satatyn tarazdyq ustaldy
ASTANA. QazAqparat - Tarazda 2 mıllıon teńgeden joǵary somany quraıtyn eki alaıaqtyq áreket jasaǵan adam ustaldy, dep habarlaıdy «QazAqparat» HAA Jambyl oblysy ІІD-iniń baspasóz qyzmetine silteme jasap.
2 qyrkúıek kúni Taraz qalasynyń polıtsııa bólimshesine bir-birine uqsas eki shaǵym kelip tústi. «Kıa-Sorento» markaly avtokóligin satamyn degen belgisiz bireý Jambyl oblysynyń eki turǵynynyń senimine kirip, aldap aqshalaryn jymqyrǵan.
Alaıaq birinshi jábirlenýshiden 900 000 teńge, al, ekinshisinen - 1 135 000 teńge alǵan. Polıtsııa qyzmetkerleri qaskúnemdi ustady, ol buǵan deıin de alaıaqtyq áreketi úshin sottalǵan Taraz qalasynyń 30 jastaǵy turǵyny bolyp shyqty.
Tergeý barysynda kúdikti kinásin moıyndady. Qazirgi ýaqytta sotqa deıingi tergeý amaldary júrgizilip jatyr.
