Alaıaqtyq jasaǵany úshin izdeýde júrgen aqtóbelik Reseıde ustaldy
AQTÓBE. QazAqparat – Alaıaqtyq jasaǵany úshin eki jyl boıy izdeýde júrgen aqtóbelik Reseıde qolǵa tústi, dep habarlaıdy QazAqparat tilshisi.
Aqtóbe oblystyq polıtsııa departamenti 2018 jyldan beri izdeýde júrgen kúdiktini ustady. Qazirgi kezde ony Reseıden Qazaqstanǵa ekstradıtsııalaý máselesi qarastyrylyp jatyr.
«Sondaı-aq, alaıaqtyq jasap sottalǵan taǵy bir aqtóbelik Almaty qalasyna qashyp ketken. Sot úkimi onlaın shyqqan soń ol jasyrynyp qalǵan. Aqtóbe oblysynyń polıtseıleri jyl basynan beri izdeýde júrgen on qylmyskerdi ustady. Olardyń tórteýine ótken jyldary izdeý jarııalanǵan. Krımınaldyq polıtsııa sot tóreligi organdarynan jasyrynǵan jáne habar-osharsyz ketken adamdardy izdestirý boıynsha jumysty turaqty negizde júrgizedi jáne odan ári jalǵastyrady», - dedi oblystyq PD baspasóz qyzmetiniń jetekshisi.
