Alaıaqtyq jasady degen kúdikke ilingen qazaqstandyq BAÁ-den ekstradıtsııalandy

ASTANA. QazAqparat - Qazaqstan Bas prokýratýrasynyń suranysy boıynsha Birikken Arab Ámirlikteriniń Ádilet mınıstrligi asa iri alaıaqtyq jasady degen kúdikke ilingen qazaqstandyqty ustap berdi.

Bul týraly QR Bas prokýratýrasynyń baspasóz qyzmeti habarlady.

R.Naızabaı Qazaqstan Bas prokýratýrasy men ІІM Interpol kúshteri jáne BAÁ-degi Qazaqstan Bas konsýldyǵynyń árekettesýimen elge jetkizildi.

Ol ótken jylǵy jazda 7 avtokólik ıesin aldap, kólikterin zańsyz ıelengen. Keıinnen avtokólikterdi jalǵan qujatpen satyp jibergen.  

Keltirilgen shyǵynnyń jalpy sommasy 30 mln. teńgeni qurady.

Qylmys jasaǵannan keıin qylmystyq qýdalaý organynan jasyrynýyna baılanysty kúdiktige halyqaralyq izdeý jarııalandy.

Qazirgi ýaqytta R.Naızabaı Astana qalasynyń tergeý ızolıatoryna qamaýǵa alyndy.