Alaıaqtyq sońy jarǵa jyqty
ORAL. Tamyzdyń 2-si. QazAqparat - Taıaýda alaıaqtyqpen aınalysqan S. esimdi 30 jasar azamat tártip saqshylarynyń qolyna tústi. Ol bir kúnge páter alyp, ózge bireýlerge bir aıǵa jalǵa bergen, dep habarlaıdy Oral qalalyq ІІB baspasóz qyzmetinen Gúlshat Moldaǵalıeva.
Ol Oral qalasy Ábilqaıyr han dańǵylyndaǵy úılerdiń birinen 1 táýlikke páterdi jalǵa alǵan. Alaıaqtyqtyń aşy ýy ishin kúıdirdi me, ne qara basqanyn úıdi satý, satyp alý sııaqty habarlandyrýlar basylatyn «Informbırja» gazetin qolyna alyp, páterdi jalǵa alýshylardy izdeýge kirisedi. Gazettiń ár buryshynda «jalǵa páter alamyn», «shuǵyl páterdi jalǵa alamyn» degen syńaıly habarlandyrýlardy taýyp alyp, ózi bir tún túneýge alǵan páterdi saýdalaı bastaǵan. Sóıtip, áreketin júzege asyrǵan alaıaqtyń úsh adam qurbany bolady. Onyń biri 40 000 teńgege aldansa, al basqa bireýleri 30 000 teńgeden bergen.
Alaıaq jedel izdestirý sharalary barysynda tez arada tártip saqshylarynyń qolyna túsip, qamaýǵa alyndy. Qazir osy alaıaqtyq áreketke barǵan azamattyń ústinen QR QK 177 baby 1 bólimi, sondaı-aq, atalǵan baptyń 2 bóliminiń «b» tarmaqshasy boıynsha qylmystyq is qozǵalyp, kúdikti tergeý abaqtysyna qamaýǵa alyndy.
