Alaıaqtyq: ІІM jeke qaýipsizdik toby basshysynyń ústinen qylmystyq is qozǵaldy

NUR-SULTAN. QazAqparat – Aqtóbe oblysy boıynsha sybaılas jemqorlyqqa qarsy kúres departamenti QR ІІM jeke qaýipsizdik tobynyń qyzmetkerlerine qatysty tergeý júrgizýde, dep habarlaıdy QazAqparat tilshisi.

Naqtyraq aıtqanda, QR ІІM jeke qaýipsizdik tobynyń burynǵy bastyǵy, QR ІІM jeke qaýipsizdik tobynyń ІІB aǵa jedel ýákili men Aqtóbe qalasynyń PB polıtsııa qyzmetkerine qatysty sotqa deıingi tergeý amaldary bastalǵan.

«Atalǵan adamdar óz qyzmetin paıdalana otyryp, 2019 jyly Aqtóbede quqyq qorǵaý organynyń burynǵy qyzmetkerin qylmystyq-atqarý júıesi organyna jumysqa ornalastyramyz dep aldaǵan. Toptasyp álgi adamnyń senimine kirip, 600 myń teńgesin jymqyrǵan» dep habarlaıdy Sybaılas jemqorlyqqa qarsy is-qımyl agenttiginen.

Tergeý barysynda kúdiktilerdiń bári de kinásin moıyndapty. Qazirgi is boıynsha tergeý amaldary jalǵasýda.