Alaıaqtyqtyń jańa túri: Aıda Balaevanyń atynan jalǵan habarlama tarady
ASTANA. KAZINFORM – Qazaqstan Respýblıkasy Mádenıet jáne aqparat mınıstrligi sońǵy ýaqytta mınıstr Aıda Balaevanyń atynan mádenıet qaıratkerlerine túrli máseleler boıynsha habarlamalar kelip túsken jaǵdaılar jıilep ketkenin habarlaıdy.
«Mundaı habarlamalar alaıaqardyń isi ekenin málimdeımiz. Aıda Balaeva men QR Mádenıet jáne aqparat mınıstrligi mundaı habarlamalardy elektrondyq poshta, áleýmettik jeliler, messendjerler jáne basqa da baılanys arnalary arqyly jibermeıdi. Sizderden abaı bolýdy jáne hatqa jaýap bermeýdi suraımyz», — delingen habarlamada.
QR Mádenıet jáne aqparat mınıstrligi mundaı habarlamalar alǵan jaǵdaıda tómendegideı áreket etýdi usynady:
1. Kelgen hatty elemeý, hatqa jaýap bermeý.
2. Alaıaqtyq faktisi týraly quqyq qorǵaý organdaryna habarlaý.
«Azamattardyń múddesin qorǵaý — bizdiń basty mindetimiz. Biz alaıaqtyq áreketterin boldyrmaýǵa jáne kinálilerdi jaýapqa tartýǵa bar kúshimizdi salamyz», — dep habarlady vedomstvonyń baspasóz qyzmeti.
