Alaıaqtyqpen kúres: UQK Koreıanyń 14 azamatyn ustady
ASTANA. KAZINFORM – 2026 jyly 23 shildede Ulttyq qaýipsizdik komıteti Koreıa Respýblıkasynyń 14 azamatyn ustady, dep habarlaıdy komıtettiń baspasóz qyzmeti.
Atalǵan eldiń quqyq qorǵaý organy olarǵa qatysty uıymdasqan qylmystyq toptyń quramynda telekommýnıkatsııalyq júıelerdi paıdalana otyryp, alaıaqtyq áreketter jasaý deregi boıynsha qylmystyq isti tergep-tekserý ústinde.
Olardyń turǵylyqty jerlerin tintý nátıjesinde zańsyz áreketti júzege asyrý úshin qoldanylǵan kompıýterlik tehnıka, uıaly telefondar men noýtbýkter tabyldy.
-Ustalǵandar protsestik is-áreketter júrgizý jáne odan ári deportatsııalaý úshin ýaqytsha ustaý ızolıatoryna jetkizildi, delingen habarlamada.
Osyǵan deıin Aqtóbe oblysynda alaıaqtardyń aqshasyn krıptovalıýtaǵa aınaldyrǵan top ustalǵany týraly jazdyq.
