Alaıaqtyq jasap, izdeýde bolǵan Qazaqstan azamaty Saýd Arabııasynan ekstradıtsııalandy
ASTANA. KAZINFORM – Búgin Qazaqstan Bas prokýratýrasy jáne ІІM Interpol qyzmetkerleri Saýd Arabııasy Koroldigindegi Qazaqstannyń Elshiliginiń kómegimen Saýd Arabııasynan alaıaqtyq jáne atqarýshylyq qujatty oryndamaý boıynsha qylmystyq jaýaptylyqqa tartý úshin Qazaqstan azamatyn ekstradıtsııalady.
Bas prokýratýra málimetinshe, kúdikti 2018-2023 jyldar aralyǵynda aldaý jáne senimdi teris paıdalaný arqyly Almaty qalasynda jábirlenýshilerdiń 19 mıllıon teńge somasyndaǵy aqshalaı qarajaty men múlkin ıemdengen. Sonymen qatar ol uzaq ýaqyt boıy almatylyq kommertsııalyq kompanııanyń 82 mln teńge somasyna aldyn ala tólengen taýardy jetkizý boıynsha mindettemelerin oryndaýdan jaltarǵan.
Sotqa deıingi tergeý barysynda kúdiktiniń jasyrynýyna baılanysty oǵan halyqaralyq izdeý jarııalandy.
Osy jyly ol Saýd Arabııasy aýmaǵynda ustalyp, Qazaqstan Bas prokýratýrasynyń suraýy boıynsha elge ekstradıtsııalandy.
Qazir kúdikti tergeý ızolıatoryna qamaýǵa alyndy. Oǵan taǵylǵan qylmystardy jasaǵany úshin múlkin tárkileýmen bes jyldan on jylǵa deıin bas bostandyǵynan aıyrý jazasy qarastyrylǵan.
Aıta ketý kerek, kúdiktiniń ekstradıtsııasy Qazaqstan Bas prokýratýrasy jasasqan Qazaqstan men Saýd Arabııasy Koroldigi arasyndaǵy ekstradıtsııalaý týraly kelisimniń arqasynda múmkin boldy.
Buǵan deıin kisi óltirýge oqtalǵan retsıdıvıst Armenııadan ekstradıtsııalanǵanyn jazǵan bolatynbyz.