Alaıaqtyq jasaǵany úshin halyqaralyq izdeýde júrgen er adam Óskemende ustaldy
SEMEI. KAZINFORM – Óskemen qalasynda polıtseıler kólik satamyn dep halyqty aldaǵany úshin 4 jyldan astam ýaqyt halyqaralyq izdeýde júrgen er adamdy quryqtady.
Bul týraly ShQO Polıtsııa departamentiniń baspasóz qyzmetinen habarlady.
- Krımınaldyq polıtsııa basqarmasynyń qyzmetkerleri birqatar alaıaqtyq áreketi úshin 2022 jyldan beri halyqaralyq izdeýde júrgen 48 jastaǵy er adamdy ustady. Tergeý málimetterine sáıkes, kúdikti avtokólik satý shemalary arqyly áreket etken. ıAǵnı, tıimdi sharttardy usynyp, aldyn ala tólem jasatyp alǵan soń, bergen ýádesinde turmaǵan, - delingen aqparatta.
Keıbir adamdarǵa aqshanyń bir bóligin qaıtara otyryp, mámileniń zańdy ekendigine sendirgen. Aldyn ala málimet boıynsha keltirilgen jalpy shyǵyn kólemi 30 mln teńgeden asady.
- Kelisimsharttardy rásimdeý barysynda alaıaq úshinshi tulǵalardy tartý arqyly, olardyń atyna qaryz sharttaryn resimdegen. Aqshany berý kóbinese notarıýstardyń qatysýymen júzege asqan. Buǵan deıin er adam alaıaqtyq úshin qylmystyq jaýapkershilikke tartylǵan. Qazirgi ýaqytta ol ýaqytsha ustaý ızolıatoryna qamaldy, - delingen habarlamada.
QR QK-niń «Alaıaqtyq» baby boıynsha sotqa deıingi tergeý amaldary bastaldy.
Eske salsaq, osyǵan deıin ShQO-da bıyl ınternet-alaıaqtyqtyń 300-ge jýyq faktisi tirkelgeni habarlanǵan.
