Alaıaqtyq jasaǵan kúdikti Reseı Federatsııasynan ekstradıtsııalandy
ASTANA. KAZINFORM — Bas prokýratýra birneshe ret alaıaqtyq jasaǵan Qazaqstan azamatyn qylmystyq jaýaptylyqqa tartý úshin Reseı Federatsııasynan ekstradıtsııalady.
Tergeýmen kúdikti 2023 jyly ınternet saıttarynda sheteldik kólikterdi satý týraly kórineý jalǵan jarnamalar jarııalaý arqyly jeti azamattyń aqshasyn urlaǵany anyqtaldy.
Qylmys jasaǵannan keıin kúdikti jasyrynyp, oǵan halyqaralyq izdeý jarııalanǵan.
2025 jylǵy shildede ol Belgorod oblysynda ustalyp, Qazaqstan Bas prokýratýrasynyń suraýymen elge ekstradıtsııalandy.
Qazirgi ýaqytta kúdikti tergeý ızolıatoryna qamaldy.
Aıyp taǵylǵan qylmystar úshin múlki tárkilenip, 7 jylǵa deıin bas bostandyǵynan aıyrý jazasy kózdelgen.
Aıta ketelik 230 myń dollar urlaǵan kúdikti áıel Grekııadan elge ekstradıtsııalandy.
