Alaıaqtyq sıpattaǵy jarnama: Qazaqstanda Canva servısin buǵattaý sebebi anyqtaldy

ASTANA. KAZINFORM – Qazaqstan aýmaǵynda Canva servısin ýaqytsha buǵattaýdyń sebebi anyqtaldy.

«Іshki ister mınıstrligi ınternet jelisinde alaıaqtyq faktilerin anyqtaý jáne olardyń jolyn kesý boıynsha jumysty jalǵastyrýda. Monıtorıng nátıjesinde atalǵan servıste alaıaqtyq sıpattaǵy jarnama anyqtaldy. Ýákiletti organǵa osyndaı faktini joıǵanǵa deıin servıs jumysyn el aýmaǵynda toqtata turý boıynsha materıaldar joldandy», - delingen Іshki ister mınıstrliginiń agenttik joldaǵan saýal jaýabynda. 

Buǵan deıin Qazaqstanda Canva servısi ýaqytsha buǵattalǵany týraly habarlaǵan edik. 

«Canva servısiniń qyzmetine Іshki ister mınıstrliginiń nusqaýy boıynsha tyıym salyndy. Tekserýden keıin zań buzýshylyqtar joıyldy. Jaqyn arada buǵattan shyǵarylady», - dep málimdegen edi Mádenıet jáne aqparat mınıstrligi. 

Óz kezeginde Canva servısi jelidegi resmı paraqshasynda qolaısyzdyq úshin keshirim suraǵan jazba jarııalady.