Alaıaqtyǵy úshin 12 jyl boıy quqyq qorǵaý organdarynan jasyrynyp júrgen adam ustaldy
ASTANA. KAZINFORM – 2024 jyldyń 17 qyrkúıeginde Aqmola oblysy prokýratýrasynyń úılestirýimen Almaty qalasy Polıtsııa departamenti krımınaldyq polıtsııa qyzmetkerleri alaıaqtyqtyń 13 epızody boıynsha kúdikti adamdy ustady.
Aqmola oblysy prokýratýrasy baspasóz qyzmetiniń habarlaýynsha, 2012 jyly maýsym aıynda kúdikti Kókshetaý qalasynda memlekettik baǵdarlama boıynsha páter satyp alýǵa kómek kórsetý syltaýymen aldaý jáne senimin asyra paıdalaný arqyly asa iri mólsherdegi aqshany zańsyz ıemdengen.
12 jyl boıy kúdikti esimin ózgertip, jalǵan qujattarmen júrgen.
«Qazirgi ýaqytta ol tergeý ızolıatoryna qamaldy. Jasalǵan qylmys úshin kúdiktige múlki tárkilenip, on jylǵa deıingi merzimge bas bostandyǵynan aıyrý jazasy qarastyrylǵan», Aqmola oblysynyń prokýratýrasy.
Osyǵan deıin Bas prokýratýranyń sot tóreliginen jasyrynǵan adamdardy izdestirýdi kúsheıtkeni týraly jazdyq.
