Alaıaqtarǵa tonalǵan reseılikterge Shý ІІBB ardagerleri 20 myń som jınap berdi
ASTANA. QazAqparat - Ystyqkólge barar jolda alaıaqtarǵa tonalǵan reseılik týrısterge Shý ІІBB ardagerleri 20 myń som jınap berdi. Bul týraly senbide Shý oblysy ishki ister bas basqarmasy baspasóz qyzmetiniń aǵa ınspektory Nurbek Toqstosýnov málim etti, dep habarlaıdy KırTAG.
«Búgin Shý ІІBB ardagerleri tóraǵasyKantemir Turdalıev reseılik týrıst Dmıtrıı Rebrovqa 20 myń som tabys etti. Qarajatty ardagerlerdiń ózi jınaǵan», - dedi N.Toqtosýnov.
Shý oblysy ІІBB basshysy Qapar Batyrqanov Ystyqkólge barar jolda oryn alǵan oqıǵa úshin reseılik týrısterden keshirim surady.
«Keleńsiz jaıt 4 shilde kúni bolǵan. Rebrovtar otbasy múgedek balasyn emdeý úshin Ystyqkólge kele jatqan. Shý oblysy ІІBB tergeý basqarmasy tonaý faktisi boıynsha qylmystyq is qozǵady», dedi Qyrǵystan ІІM.
Shyǵyn kólemi 100 eýro, 20 myń rýbl jáne 45 myń somdy quraǵan.
Oqıǵaǵa baılanysty 8 shilde kúni eki kúdikti qolǵa tústi. Aldyn ala málimetter boıynsha, ustalǵandar quqyq qorǵaý organdarynyń burynǵy qyzmetkerleri bolǵan.
