Alaıaqtarǵa sengen shymkenttik zeınetker 46 mln teńgesinen aıryldy
ShYMKENT. KAZINFORM - Qazirgi tańda atalǵan jaıt boıynsha tergeý júrgizilip jatyr.
69 jastaǵy qala turǵyny uıaly telefon nomeriniń merzimi aıaqtalǵany týraly qońyraý qabyldaǵan. Sodan merzimin uzartý úshin kelgen SMS-kodty aıtqan. Biraz ýaqyttan keıin jábirlenýshige quqyq qorǵaý organdarynyń atynan habarlasqan adam, shotynda kúmándi operatsııalar bastalǵanyn jáne aldyńǵy qońyraý shalǵandar alaıaqtar ekenin jetkizgen.
Zeınetker kúdiktilerdiń nusqaýymen shotyndaǵy bar aqshany sheship alyp, jalǵan quqyq qorǵaýshylar bergen. Kúdiktilder 46 mln teńgeni aýladaǵy oryndyqtan alyp ketipti.
Qashyqtyqtan alaıaqtyq jasaǵan eki kúdiktini kıberpolıtseıler «Anti-fraud» is-sharasy aıasynda júrgizilgen jedel-izdestirý jumystary barysynda ustady.
- Qazirgi tańda atalǵan jaıt boıynsha tergeý júrgizilip jatyr. Kúdiktiler qamaýda. Esińizde bolsyn, sım-kartalardyń jaramdylyq merzimi joq jáne jańartýdy qajet etpeıdi. Aqshańyzdy saqtap qalyp, alaıaqtardan qorǵaný úshin eshkimge eshqashan kodtardy bermeńiz, qońyraý shalýshymen dıalogty birden úzip, polıtsııaǵa habarlasyńyz, – dedi Shymkent qalasy polıtsııa departamentiniń kıberpol bastyǵynyń orynbasary Shyńǵys Jaılaýbek.
Aıta keteıik, budan buryn kentaýlyq kelinshek et satýshylardy 20 mıllınon teńgege aldap ketkenin jazǵan bolatynbyz.