Alaıaqtarǵa aldanyp, baspanasyn satqan 49 adamnyń ekeýi ǵana isti sotqa jetkize alǵan

ASTANA. KAZINFORM – Іshki ister mınıstriniń birinshi orynbasary Baýyrjan Álenov Májilis depýtatynyń saýalyna joldaǵan jaýapta alaıaqtar qazaqstandyqtardy kóbine kimniń habarlasyp aldaıtynyn aıtty.

- 2025 jyly 27 892 ınternet-alaıaqtyq qylmysy jasaldy (+24%, 2024j. – 22 560). Olardyń jalpy qylmystar sanyndaǵy úlesi 29%-dy (96 354-ten), al barlyq alaıaqtyqtardyń ishindegi úlesi 61%-dy (45 806-dan) quraıdy, - dep jazylǵan jaýapta.

Júrgizilgen taldaýlar ınternet-alaıaqtyqtar mynadaı tásildermen jasalatynyn kórsetken:

- bank, polıtsııa, memlekettik organdar qyzmetkerleriniń atynan – 8 554 (2024 j. – 5 977);

- habarlandyrýlar arqyly taýarlar men qyzmetter úshin aldyn ala tólem alý – 8 357 (2024 j. – 7 716);

- ınvestıtsııalaý syltaýymen – 3 110 (2024 j. – 1 851).

- 27 892 ınternet-alaıaqtyqtyń 49 faktisi boıynsha (0,175%) jábirlenýshiler ózderiniń turǵyn úı-jaılaryn úshinshi tulǵalarǵa zańdy túrde satqannan keıin alaıaqtarǵa aqsha qarajatyn bergen, bul rette múlikti ıelikten aıyrýǵa qatysty olardyń quqyqtary buzylmaǵan. Atalǵan faktiler boıynsha 2 is sotqa joldandy. Qalǵan ister boıynsha tergeý jalǵasýda, - deıdi Baýyrjan Álenov.

Eske salsaq, antıfrod júıeleri arqyly 77 mıllıonnan astam alaıaqtyq qońyraý buǵattalǵanyn jazǵanbyz.