Alaıaqtarǵa aldanǵan aqtóbelik 17 mln teńge nesıe rásimdep, aqshasynan aıyrylyp qaldy
AQTÓBE. KAZINFORM – Aqtóbelik tórt bankten 17 mln teńge nesıe alady. Keıin ony alaıaqtardyń esepshotyna aýdaryp jibergen.
Aqtóbe oblystyq polıtsııa departamenti telefon arqyly qorqytyp-úrkitip, nesıe rásimdetken kúdiktige qatysty isti tergep jatyr. Ázirge qala turǵynynan aryz qabyldandy.
- Ózderin Halyq banki jáne Ulttyq bank qyzmetkerleri retinde tanystyrǵan. Jeke derekterin ózge bireýler paıdalanyp jatqanyn aıtyp sendiredi. Keıin qaýipsizdik úshin aqshany basqa esepshotqa aýdarýǵa kóndiredi. Jábirlenýshiniń aldanyp jatqanyn túsinbeýi úshin alaıaqtar qorqytady, asyqtyrady. Sóıtip tórt bankten 17 mıllıon teńge nesıe rásimdetken. Jábirlenýshi óz atyna alǵan nesıelerin qylmyskerlerdiń shottaryna aýdarǵan,- dep habarlady Aqtóbe oblystyq PD baspasóz qyzmeti.
Eske salsaq, Aqtóbede byltyr eskirtki saqtaý, satý boıynsha 279 is tirkeldi. Barlyǵy jarty tonnaǵa jýyq zat tárkilendi.