Alaıaqtarǵa aqshańyzdy aýdaryp qoısańyz ne isteý kerek
ASTANA. KAZINFORM — Astana qalasy prokýratýrasynyń basqarma prokýrory Talant Qalıev aqshańyzdy alaıaqtardyń bank shotyna aýdaryp qoıǵan jaǵdaıda ne isteý kerektigin túsindirdi.
— Eń aldymen alaıaqtardyń qurbany bolmaý úshin egov.kz arqyly nesıe rásimdeýge tyıym salyp qoıý kerek. Ásirese ata-ájelerińizge mıkrozaım ne nesıe rásimdemeýi úshin tyıym salyp qoıǵan jón. Al eger alaıaqqa SMS-kodyńyzdy aıtyp qoısańyz, bul «bári bitti» degendi bildirmeıdi. Demek, uıaly telefonyńyz arqyly bank shotyńyzǵa kire alatyn bolǵandyqtan qarajatyńyzdy basqa qaýipsiz shotqa, jaqyn týystaryńyzǵa aýdara alasyz, — dedi ol Astana qalalyq kommýnıkatsııalar qyzmetindegi brıfıngte.
Onyń aıtýynsha, qarajatyńyzdy alaıaqtardyń bank shotyna aýdaryp qoıǵan jaǵdaıda qylmystyq is qozǵatý úshin polıtsııaǵa júginý qajet. Olar tez arada aqsha qarajatynyń jylystaý jolyn anyqtap, el aýmaǵynan shyǵýyna tosqaýyl qoıýǵa tyrysady.
— Aqsha qarajattary kóp jaǵdaıda krıptoámınǵa nemese shetelge shyǵarylady. Eger alaıaqtar atalǵan alaıaqtyqty jasap úlgerse, onda úlkn qıyndyqtar týyndaıdy, — dedi Talant Qalıev.
Buǵan deıin ınternet alaıaqtardan qalaı qorǵanýǵa bolatynyn jazǵan edik.
