Alaıaqtardan zardap shekkenderdiń 1,6 mlrd teńgeden astam nesıesi keshirildi

ASTANA. KAZINFORM — Bas prokýror Berik Asylov Májilis depýtatynyń saýalyna joldaǵan jaýapta alaıaqtardan zardap shekken jábirlenýshilerdiń 1,6 mlrd teńgeden astam boryshy keshirilgenin málim etti.

— Jəbirlenýshilerdiń quqyqtaryn qorǵaý úshin 2024 jylǵy maýsymda «Bankter jəne bank qyzmeti týraly» Zańǵa qarjy uıymdaryna alaıaqtyq əreketterdiń sebepteri men saldaryn joıýǵa; tergeý kezeńinde osyndaı qaryzdar boıynsha bereshekti óndirip alýǵa jəne talap-aryz jumystaryn toqtata turýǵa; klıenttiń qatysýynsyz kredıt alý kezinde klıenttiń qaryzyn esepten shyǵarýǵa, sondaı-aq klıentke osyndaı qaryz boıynsha buryn ustalǵan (tólengen) somalardy qaıtarýǵa baǵyttalǵan jəne t. b. talaptardy engizýdi kózdeıtin túzetýler qabyldandy. Bul mehanızm kıberalaıaqtyqtan zardap shekken qaryz alýshylardyń shottaryn buǵattaýǵa múmkindik bermeıdi. Osynyń arqasynda 2,5 myńnan astam jəbirlenýshiden 3,4 mlrd teńgeden astam somaǵa kredıtti óndirip alý toqtatyldy. Jəbirlenýshilerdiń 1,6 mlrd teńgeden astam somadaǵy qaryzdary esepten shyǵaryldy, — dep jazylǵan jaýapta.

Bas prokýrordyń málimetinshe, Ulttyq bank janynan qurylǵan Antıfrod-ortalyq iske qosylǵannan beri 2,2 mlrd teńgeden astam somanyń kúdikti qarjy operatsııasy buǵattalǵan.

— Azamattyq kodekstiń 953-babyna səıkes jəbirlenýshilerden túsken 1,5 myń talap-aryz negizinde «dropperlerden» 2,4 mlrd teńge óndirip alyndy, — dep jazady Berik Asylov.

Eske salsaq, naýryz aıynda Almaty oblysynda 600 mln teńgege alaıaqtyq jasaǵan dropperler toby ustalǵan bolatyn.