Alaıaqtar jalǵan qujat jasap nesıege telefon alǵan
ALMATY. QazAqparat - Almaty polıtsııasy alaıaqtardyń fotolaryn jarııalady, dep habarlaıdy QazAqparat tilshisi qala ishki ister departamentiniń baspasóz qyzmetine silteme jasap.
Almaty ІІD Medeý jáne Bostandyq aýdandarynyń aýmaǵynda bolǵan alaıaqtyq derekteri boıynsha birqatar qylmystyq ister tekserip jatyr.
«Alaıaqtar azamattardyń jeke basyn kýálandyratyn qujattardy qoldan jasap, zańsyz jolmen nesıege uıaly telefon alǵan. Sodan keıin telefondardy úshinshi bireýlerge satqan. Osyǵan baılanysty, olardy tanyǵan nemese olardyń qaı jerde ekendigi týraly aqparatqa ıe turǵyndardan, sondaı-aq olardyń qylmystyq áreketterinen jábirlengenderden 8-702-488-25-43, 8-705-111-11-93, 254-49-82 nemese 102 nómirlerine habarlasýyn suraımyz», - deıdi Almaty qalalyq ІІD tergeý basqarmasy bastyǵynyń orynbasary Oljas Sháripov.
