Alaıaqtar WhatsApp kómegimen aqsha jymqyrýda
ASTANA. QazAqparat - Reseıde WhatsApp messendjerimen baılanysty aqsha jymqyrýdyń jańa tásili paıda boldy.
Alaıaqtar bank atynan qoldanýshyǵa onyń bank kartasy esebinen ınternet-dúken taýary alynǵany týraly habarlama jiberedi. Eger qurban eshnársege tapsyrys bermese, tez arada bank qaýipsizdigi qyzmetine qońyraý shalýdy usynady. Biraq, kórsetilgen nómirge habarlasqan qoldanýshymen bank qyzmetkeri emes, nesıe kartasynyń rekvızıtterine, ınternet-banktegi jeke kabınetke ıe bolǵysy kelgen qaskóı sóılesedi, dep jazdy vesti.ru
«Mundaı habarlama alǵanda ony dereý óshirip tastaýǵa tyrysyńyz jáne eshqashan habarlaspańyz, jeke málimetterińizdi de aıtpańyz», - dep eskertti Reseı Ortalyq bankiniń ıAroslavl oblysyndaǵy bólimshesi. Kórsetilgen nómirge habarlasqanda da, qosymsha tólemder alynýy múmkin. Sondyqtan, kartanyń syrtynda nemese bank saıtynda kórsetilgen bank nómirine qońyraý shalǵanyńyz abzal.
