Alaıaqtar túrmede otyryp-aq zeınetkerlerdi taqyrǵa otyrǵyzdy
ASTANA. 13 qarasha. QazAqparat - Mýrmanskidegi Pervomaıskıı aýdandyq soty «telefon» alaıaqtaryna qatysty qylmystyq is boıynsha sheshim shyǵardy.
Olardan 38 zeınetker zardap shekken.
Bas prokýratýranyń málimetteri boıynsha, Mýrmansk IK-18 mekemesinde osyǵan uqsas qylmysy úshin jazasyn óteýshi Vıtalıı Sahankov túrmede otyrǵandar men erkindiktegi adamdardan turatyn turaqty qylmystyq top qurǵan.
Qaskóıler i qalalyq nómirlerge telefon shalyp, ózderin olardyń qıyn jaǵdaıǵa tap bolǵan jaqyndary retinde tanystyryp, egde jastaǵy adamdardan aqshamen kómektesýlerin suraǵan. Olardyń kelisimderin alǵannan keıin jazasyn óteýshiler - Sahankov, Denıs Kýtýzov pen Andreı Pýgaev erkindiktegi osy toptyń múshelerine habarlasyp, olardyń bireýine zardap shegýshiden aqshany alyp ketýdi buıyryp otyrǵan. 38 zeınetker aldanyp, qylmyskerlerge 1 mln. rýblden astam aqsha bergen.
