Alaıaqtar pavlodarlyq qarııanyń atyna 4 mln teńge nesıe rásimdegen

PAVLODAR. KAZINFORM — Qaskúnemder zeınetkerge telefon arqyly habarlasyp, ózderin bank qyzmetkerimiz dep tanystyrǵan. Er adam olardyń aıtqanyna ılanyp, óz atyna nesıe rásimdep jibergen.

Telefon shalǵandar qarııaǵa sizdiń atyńyzdan bireý nesıe rásimdegeli jatyr dep habarlasqan.

Nesıe alynbas úshin ózge eki bankke ótinim berilýi keregin túsindirgen.

«Zeınetker qaskúnemderdiń sózine senip, bergen nusqaýlyqtarynyń bárin oryndaǵan. Sóıtip óz atyna eki birdeı bankten jalpy somasy 4 201 198 teńge nesıe rásimdegen. Ári ony kórsetilgen esepshotqa aýdaryp qoıa bergen. Alaıaqtyq faktisi boıynsha qylmystyq is tirkeldi. Kúdiktiniń jeke basyn anyqtaý boıynsha tergeý sharalary júrgizilip jatyr», — dep málimdedi Pavlodar oblysy polıtsııa departamentiniń baspasóz qyzmetinen.

Tártip saqshylary turaqty eskertýlerge qaramastan egde jastaǵy adamdar alaıaqtardyń quryǵyna jıi iligetinin aıtady.