Alaıaqtar negizinen jalǵan áýe bıletteri men dıplomdardy jasap júr
ASTANA. QazAqparat - Jyl basynan beri ishki ister organdarynda QR Qylmystyq Kodeksindegi 385-shi bap boıynsha, ıaǵnı jalǵan qujattardy, mórtańbalardy, mórlerdi, mórqaǵazdardy, memlekettik nagradalardy qoldan jasaý, daıyndaý nemese ótkizý turǵysynda 1560 qylmystyq quqyqbuzýshylyq tirkeldi, dep habarlaıdy QazAqparat.
«Negizinen áýe bıletteri, dıplomdar, kóshi-qon kartochkasyndaǵy kóshi-qon polıtsııasy qyzmetiniń ýaqytsha tirkeý móriniń baspa-tańbasy, júrgizýshi kýáligi jáne jer telimine quqyqty rásimdeý boıynsha materıaldar qoldan jasalady», - dep jazdy QR ІІM Memlekettik til jáne aqparat departamentiniń dırektory Almas Sadýbaev Feısbýktegi paraqshasynda.
Onyń atap ótýinshe, bul áreketteri úshin qylmystyq jaýapkershilikke 171 adam tartylǵan eken.
