Alaıaqtar Máskeý turǵynyna tsement zaýytynyń aktsııalaryn 104 mln. rýblge satqan
ASTANA. QazAqparat - Otbasylyq jup Máskeý turǵynyna Reseıdiń tsement zaýyttarynyń biriniń aktsııalaryn 104 mln. dollarǵa satty.
Biraq aldanǵan áıel úsh jyl ishinde ne aktsııalardy, ne aqshany almaǵan, dep habarlady dúısenbi kúni Máskeý ІІM-niń basshysy.
Vedomstvonyń málimetteri boıynsha, 2011 jyldyń 20 naýryzynda erli-zaıyptylar áıel adamǵa tıimdi baǵamen Reseıdiń tsement zaýyttarynyń biriniń aktsııalaryn satyp alýdy usynǵan.
« Áıel kelisken, kelesi kúni kúdiktilerge tıisti 104 mln. rýbldi aýdarǵan. Alaıda, oǵan aktsııalar berilmegen jáne aqsha da qaıtarylmaǵan», - delingen habarlamada.
2014 jyldyń mamyrynda aldanǵan áıel polıtsııaǵa aryzdanǵan. Kóp uzamaı kúdiktiler ustalyp, olardan eshqaıda ketpeý týraly qolhat alyndy. «Alaıaqtyq» baby boıynsha qylmystyq is qozǵaldy, dep habarlady RIA-Novostı.
