Alaıaqtar «Kolesa.kz» saıtyna jalǵan habarlandyrýlar ornalastyrǵan
TARAZ. QazAqparat - Jambyl oblysynda krımınalıster ınternet arqyly alaıaqtyq jasaǵandardy anyqtady, dep habarlaıdy QazAqparat tilshisi Jambyl oblysy ІІD baspasóz qyzmetine silteme jasap.
«Kolesa.kz» saıtynda «Hýndaı» markaly avtomashınanyń qozǵaltqyshyn satamyn degen alaıaq V. esimdi azamatshany aldap, 270 myń teńgeni S. esimdi azamattyń «Qazkommertsbank» AQ-tan ashqan kartochkasyna aýdartqyzǵan. Biraq QR Іshki ister mınıstrliginiń málimtterine sáıkes, atalǵan tulǵa qaıtys bolǵandar tiziminde tur. Kartadaǵy aqsha «Qazkomnyń» Qostanaı qalasyndaǵy bankomattarynan alynǵan. Kartaǵa budan tys respýblıkanyń túrli óńirlerinen 2 459 500 teńge mólsherinde aqsha túsken. Kúdiktiler Qostanaıda ustaldy, bireý arqyly kartadan aqsha shyǵarýdyń jeti faktisi anyqtaldy», - deıdi Jambyl oblysy ІІD baspasóz qyzmetiniń basshysy Gúlsara Muhtarqulova.
Vedomstvo ókilderi aqparattyq tehnologııalar arqyly jasalǵan alaıaqtyq qylmystaryn ashý jáne tergep-tekserý barysynda týyndaǵan máselelerdi sheshý úshin qosymsha uıymdastyrý-praktıkalyq sharalar qoldanylatynyn aıtty.
«Jambyl oblysy ІІD qylmystyq polıtsııa basqarmasy aqparattyq tehnologııalar arqyly jasalǵan alaıaqtyq qylmystaryn ashý jáne tergep-tekserý barysynda týyndaǵan máselelerdi sheshý úshin qosymsha uıymdastyrý-praktıkalyq sharalardy qoldanady. Internet jáne kompıýter tehnologııalaryn paıdalaný arqyly jasalǵan alaıaqtyqtarǵa únemi taldaý júrgiziledi», - deıdi baspasóz qyzmetiniń ókilderi.
