Alaıaqtar kesirinen qazaqstandyqtarǵa 11 mlrd teńge shyǵyn kelgen

Bıyl 13 700-den astam ınternet-alaıaqtyq tirkelip, saldarynan 13,5 myńnan astam adam zardap shekti. Bul týraly QR Іshki ister mınıstriniń orynbasary Igor Lepeha Parlamentte aıtty, dep habarlaıdy Kazinform.

Onyń aıtýynsha, zardap shekkenderdiń 70%-y qala turǵyndary, qalǵan 30%-y aýyl turǵyndary. Olardyń arasynda áleýmettik jaǵdaıy ártúrli – bıýdjettik sala qyzmetkerleri, memlekettik qyzmetshiler, zeınetkerler, jeke kásipkerler jáne basqalar bar.

«Azamattarǵa keltirilgen jalpy shyǵyn – 11 mlrd 355 mln teńge. Qabyldanǵan sharalar nátıjesinde 2,5 myń túrli ınternet-alaıaqtyq jasaǵan 521 adam ustalyp, qylmystyq jaýapqa tartyldy. Jábirlenýshilerge 523 mıllıon teńge kóleminde shyǵyn óteldi», - dedi Qarjy mınıstri.

Sonymen birge azamattarǵa onlaın-kredıtter men qaryzdardy rásimdeýge, olardyń bank jınaqtaryn urlaýǵa baılanysty ınternet-alaıaqtyqtardy sheteldikter jasaıdy. Olar jasaǵan 9 myńǵa jýyq qylmystan azamattarǵa shamamen 7 mlrd teńge zalal kelgen, onyń ishinde 5,8 mlrd teńge kredıtter men qaryzdar túrinde rásimdelgen.

Aıta keteıik, búgin Májiliste «Halyqtyń shamadan tys kredıt alýyn azaıtý jáne qarjylyq saýattylyqty arttyrý» taqyrybynda Parlament tyńdaýy ótti.

Qaryz alýshylardyń quqyǵyn qorǵaýdy kúsheıtý boıynsha zańnamalyq túzetýler pysyqtalyp jatyr.