Alaıaqtar qazaqstandyqtarǵa Qonaev ákimi atynan jazyp jatyr
QONAEV. KAZINFORM – WhatsApp messendjerinde Qonaev ákimi Ashat Berdihanovtyń atynan azamattarǵa túsiniksiz habarlamalar kelip jatyr.Bul týraly qala ákimdiginiń baspasóz qyzmeti málim etti.
«Búgin Qonaev qalasynyń ákimi Ashat Berdihanovtyń atynan bázbireýler WhatsApp jelisinde habarlamalar taratyp jatqany anyqtaldy. Mundaı habarlardy ınternet-alaıaqtar jiberedi. Qonaev qalasy turǵyndarynan jalǵan aqparatqa senip, beıtanys nómirge aqsha jibermeýlerin jáne joldanǵan siltemelerge ótpeýin suraımyz. Shahar basshysynyń instagram jelisinde ǵana resmı akkaýnty bar @berdikhanov_askhat barlyq jańalyq osy akkaýntta ǵana jarııalanady»,- habarlady qalalyq ákimdikten.
Buǵan deıin Almaty oblysynyń ákimdigi turǵyndarǵa ózin oblys ákimimin dep tanystyratyn alaıaqtardyń áreketine senbeýge shaqyrǵan edi.
Sondaı- aq Premer-Mınıstr men Úkimet músheleri atynan da jalǵan aqparat taraǵan bolatyn.