Alaıaqtar qazaqstandyqtarǵa BQO ákiminiń atynan jalǵan habar taratty

ORAL. KAZINFORM – WhatsApp qosymshasynda Batys Qazaqstan oblysynyń ákimi Narıman Tóreǵalıevtiń atynan jalǵan habarlama taralyp jatyr.

BQO ákiminiń baspasóz qyzmetinen málim etkenindeı, alaıaqtar óńir basshysyna tıesili emes nómirdi kórsetken. 

Foto: BQO ákimdigi

— Qazirgi kezde WhatsApp messendjerinde belgisiz adamdar BQO ákimi Narıman Tóreǵalıevtiń atynan turǵyndarǵa habarlama taratýda. Munyń jalǵan ekendigin málimdeımiz. Taratylyp jatqan habarlamalarǵa senbeýdi jáne kúmándi siltemelerge ótpeýdi ótinemiz, — dep habarlady vedomstvodan. 

BQO ákimine qatysty alaıaqtardyń jalǵan habarlama taratýy osymen ekinshi ret bolyp otyr.

Eske sala keteıik, budan buryn alaıaqtar BQO ákiminiń atynan jalǵan habar taratqanyn jazǵan bolatynbyz.