Alaıaqtar qaraǵandylyqtarǵa 1 myń teńgege kınoǵa túsýdi usynýda
QARAǴANDY. QazAqparat - Azamattarǵa belgisiz alaıaqtar myń teńge tólep, kórkem fılmge túsýdi usynýda, dep habarlaıdy «QazAqparat» HAA tilshisi.
Qosymsha rólderge ártister izdestirilip jatqany týraly OLX tegin jarnamalar saıtynda jarııalanǵan. Belgisiz bireý Qaraǵandydaǵy basty kóshelerdiń birinde júrgiziletin zamanaýı fılmniń túsirilimine qatysqysy keletin azamattarǵa anketa toltyrýdy usynýda. Sodan soń, ol qatysýshylardyń anketalarynda kórsetilgen elektrondy poshtalaryna usynys jiberedi. Ákimshi túsirilimge qatysqysy keletin azamattarǵa kıvı-ámııanǵa myń teńge aýdarýdy talap etedi. Ákimshi óziniń bul áreketin qatysýshynyń belgilengen kúni túsirilim alańyna keletinine jáne nıetinen aınyp qalmaıtynyna kepildik dep túsindiredi.
«Qaraǵandyda fılm túsirip jatqan eshqandaı túsirilim toby joq. Eger túsirilim ortalyq kóshelerde júrgizilip jatqan bolsa, biz mindetti túrde qulaǵdar bolar edik», - dep habarlady Qaraǵandy oblystyq mádenıet basqarmasy.
Sondaı-aq, quqyq qorǵaý organdaryna alaıaqtyq týraly shaǵym túspegen.
