Alaıaqtar qaraǵandylyqtardyń 150 mln teńgesin qaltaǵa basqan
ASTANA. QazAqparat -Bankter satýǵa qoıǵan kepildegi múlikterdi alyp beremiz degen alaıaqtar qaraǵandylyqtardyń 150 mıllıon teńgesin qaltaǵa basqan, dep habarlady oblystyq ІІD-niń baspasóz qyzmetinen.
«2017 jyly ishki ister organdaryna qalanyń 60 turǵyny shaǵym túsirgen. Olar ózderiniń jınaqtaryn bankterdiń kepildik múlikterin satý boıynsha qyzmet kórsetetin JShS ókiline bergen. Fırma ókilderi aqshany alǵannan keıin klıentterge aldyn ala daıyndalǵan avtokólikterdiń sýretteri men tizimderin jáne kadastr nómirleri bar páterlerdi, osy múlikterdiń qujattaryn usynǵan», - delingen habarlamada.
Keıin klıentter múlikti tańdap, 15 kúnnen eki aıǵa deıingi merzimge kelisimshart jasaıdy. Biraq, kelisimsharttaǵy merzim aıaqtalǵanda fırma ókilderi túrli syltaýlarmen ýaqyt sozyp, keıin klıenttermen kezdesýden bas tartqan.
Aldanǵan klıentterdiń shaǵymy boıynsha úsh adamnyń ústinen QR QK 190-baby 4-bóligi 2-tarmaǵy boıynsha qylmystyq is qozǵaldy. Qylmystyq is sotqa joldandy.
