QMA ınvestıtsııa salý degen jeleýmen 620 mln teńgeni qoldy etý isi boıynsha tergeý júrgizip jatyr
ASTANA. KAZINFORM – Qarjy monıtorıngi agenttiginiń Almaty qalasy boıynsha departamenti zańsyz ınvestıtsııalyq qyzmet salasyndaǵy alaıaqtyq faktisi boıynsha tergeý júrgizip jatyr.
Agenttiktiń baspasóz qyzmetiniń habarlaýynsha, 2013–2021 jyldar aralyǵynda kúdikti «Partners & Consultants» atty «Ómirdi saqtandyrý» jobasy arqyly ómirdi saqtandyrý baǵdarlamalary men jınaqtaýshy saqtandyrý salymdaryna ınvestıtsııa salý degen syltaýmen azamattardyń aqshasyn ıemdený shemasyn uıymdastyrǵan.
Azamattardy ózine baǵynysty zańdy tulǵalardyń — «Evroasia Global Investment» AQ jáne «Evropa Investment» JShS esepshottaryna aqsha aýdarýǵa úgittep, jylyna 12%-ǵa deıin turaqty tabysqa kepildik bergen.
Jobanyń senimdiligin dáleldeý úshin shyn máninde joq halyqaralyq saqtandyrý baǵdarlamalary men sertıfıkattaryna siltemeler qoldanylǵan. Qarajattar qolma-qolsyz aýdarymdar arqyly qabyldanyp, keıin salymshylarǵa uzaq merzimdi depozıtter men ınvestıtsııalyq mindettemeler bar degen jalǵan áser qaldyratyn jalǵan qujattar berilgen.
Nátıjesinde 270 jábirlenýshige 620 mln teńgeden astam materıaldyq zalal keltirilgen. Alynǵan aqshalaı qarajat kúdikti tarapynan jyljymaıtyn jáne jyljymaly múlik satyp alýǵa jumsalǵan. Atalǵan múlikke qazirgi ýaqytta shekteý qoıylǵan.
- Kúdikti qamaýǵa alyndy. QR QPK-niń 201-babyna sáıkes ózge aqparat jarııalaýǵa jatpaıdy, - delingen habarlamada.
Osyǵan deıin habarlaǵanymyzdaı, Ulttyq bank qarjy monıtorıngi sharalaryn kúsheıtti.