Alaıaqtar ınternette jalǵan janarmaı kartalaryn satyp jatyr
«Qoldanysta joq janarmaı kartalary alǵash ret 2021 jyly Reseıde satyla bastady. Alaıaqtar kartalardy arnaıy ázirlengen saıt arqyly satqan, al sengish kólik júrgizýshileri aqshany olardyń shotyna aýdaryp otyrǵan», - delingen saıtta.
Anyqtalǵandaı, Qazaqstanda alaıaqtyq shemasy sál basqasha.
«Avtokólik júrgizýshilerine Helios, Qazaq Oil jáne «Gazprom» kompanııalarynyń janarmaı kartalary usynylady. Satylym Telegram arqyly Qostanaıda rasymen de jumys istep turǵan kompanııa atynan jasalyp jatyr. Alaıda, ashyq derekterge súıensek, atalǵan fırma órt sóndirgish quraldardy toltyrýmen aınalysady jáne janarmaı saýdasyna eshqandaı qatysy joq. Sonymen qatar, 2Gis qyzmetinde janarmaı kartalaryn alý úshin kompanııanyń keńsesine habarlasyp, ol jerden eshkimdi tappaǵan adamdardyń pikirleri jazylǵan.
Aıta keteıik, Helios, Qazaq Oil jáne «Gazprom» resmı portaldarynda janarmaı kartalaryn deldaldar arqyly satý týraly eshteńe aıtylmaǵan.
Qazaq Oil kartalardy kompanııamen shart jasasqannan keıin resmı satý ortalyqtarynda 500 teńgege satyp alýdy usynady.
Al Helios kompanııasynyń saıtynda janarmaı kartalary týraly aqparat múldem joq. Onyń ornyna klıentterge arnaıy bonýstyq kartalardy rásimdeý usynylady.
«Gazprom» kompanııasynda korporatıvtik klıentterge arnalǵan janarmaı kartalary bar. Ony kompanııamen resmı kelisimshart jasasqannan keıin ǵana satyp alýǵa bolady.
Qoryta aıtqanda, janarmaı kartalaryn satý jarnamasy – alaıaqtardyń isi. Kompanııalardyń janarmaı kartalary resmı bólimderde satylady jáne olardy resmı kelisimshart jasalǵannan keıin ǵana satyp alýǵa bolady. Qaznette kartalary satylyp jatqan kompanııa múldem basqa qyzmetpen aınalysady, jáne onyń kartalar satýǵa eshqandaı qatysy joq», - dep qorytyndylaıdy Stopfake.kz.
