Alaıaqtar «Halyq zańgeri» respýblıkalyq aktsııasynyń ataýyn paıdalanýda - Antıkor
ASTANA. KAZINFORM - Alaıaqtar ınternette jalǵan beınerolıkter taratyp, Qazaqstan azamattarynyń basym kópshiligin adastyrýǵa umtylýda. Jasandy ıntellekt tehnologııasymen jasalǵan bul materıaldar messendjerler men áleýmettik jeliler arqyly taratylyp jatyr.
Alaıaqtar adamdardy aqyly negizde advokatpen baılanysý úshin siltemelerdi basýǵa jáne jeke málimetterin berýge úgitteýde.
Beınejazbalar montajdyq kadrlardan quralyp, jalǵan dybyspen súıemeldengen.
Sybaılas jemqorlyqqa qarsy qyzmet «Halyq zańgeri» aktsııasy aıasyndaǵy barlyq zań konsýltatsııalary tegin negizde beriletinin eske salady. Bul azamattyq qoǵamdy damytýda, quqyqtyq saýattylyqty arttyrýda jáne halyqqa zańgerlik kómek kórsetýde mańyzdy ról atqarady.
Aıta ketý kerek, «Halyq zańgeri» respýblıkalyq aktsııasy tek oflaın formatta ótkiziledi.
Halyqty jalǵan aqparattarǵa senbeýge, kúmándi siltemelerge ótpeýge, sondaı-aq qarajat aýdarmaýǵa shaqyramyz.
«Osyndaı qońyraýlar men taratylymdardy alǵan jaǵdaıda, osy faktiler týraly Qazaqstan Respýblıkasynyń quqyq qorǵaý organdaryna dereý habarlaýdy suraımyz», - delingen habarlamada.
Osyǵan deıin sybaılas jemqorlyqqa qarsy qyzmet messendjerlerde (WhatsApp, Telegram jáne t.b.) Qazaqstan Respýblıkasy Sybaılas jemqorlyqqa qarsy is-qımyl agenttiginiń basshylyǵy men qyzmetkerleriniń atynan jalǵan akkaýnttar qurǵan jáne jalǵan aqparat taratatyn alaıaqtarǵa senbeý keregin eskertkenin jazdyq.
