Alaıaqtar endi Air Astana-ǵa jumysqa kirgizip beremin dep aldaıtyn bolǵan

ASTANA. QazAqparat - Air Astana jalǵan jumys usynǵan alaıaqtardan saq bolýǵa shaqyrdy, dep habarlaıdy QazAqparat.

«Deldaldar kómegimen Air Astana áýekompanııasyna jumysqa kepilmen ornalastyryp beremin deıtin jalǵan habarlandyrýlardyń jıilep ketkenin eskertemiz. Mundaı habarlandyrýlar men qyzmetter zańsyz» deıdi kompanııanyń baspasóz qyzmeti.

Air Astana jumysqa ornalasýdyń kópsatyly protsesinde transparenttik pen adaldyq qaǵıdalaryn ustanady.

Qazirgi kezde usynylyp jatqan jumys oryndary job.airastana.com saıtynda jarııalanyp, tek osy resmı saıt arqyly jiberilgen túıindemeler qarastyrylady.